FIAN Nepal सम्बन्धी मेरो धारणा, FIAN Nepal ले नेपालमा खाद्य सार्वभौमिकता (Food Sovereignty) सम्बन्धी ऐन निर्माण तथा नीतिगत प्रक्रियामा नेपाल सरकारलाई महत्वपूर्ण सहयोग गरेको छ। यस संस्थाले खाद्य सुरक्षा, खाद्य अधिकार तथा मानव अधिकारका विषयमा निरन्तर काम गर्दै आएको छ। विशेषगरी महिला, दलित तथा दुर्गम क्षेत्रका समुदायहरूको अधिकार सुनिश्चित गर्न यसले उल्लेखनीय योगदान पुर्‍याएको छ। मानव अधिकारको एक महत्वपूर्ण पक्षका रूपमा खाद्य अधिकारलाई स्थापित गर्न तथा खाद्य अधिकार उल्लङ्घनका घटनाहरू सम्बन्धित सरकारी निकाय र विभिन्न संघसंस्थाहरूको ध्यानाकर्षण गराउन FIAN Nepal सक्रिय रहेको छ। यसका साथै खाद्य अधिकार तथा खाद्य सुरक्षाको अवस्थाबारे समय–समयमा अध्ययन, अनुगमन र मूल्याङ्कन गरी अवस्था खस्किएको वा चुनौतीपूर्ण बनेको अवस्थामा सरकारलाई जानकारी गराउने कार्य पनि गर्दै आएको छ। यी प्रयासहरूलाई सम्बन्धित मन्त्रालयहरूले सकारात्मक रूपमा लिएको देखिन्छ। मेरो अनुभवमा, FIAN Nepal ले फिल्डमा भएको वास्तविक अवस्थालाई जस्ताको त्यस्तै प्रस्तुत गर्ने, समुदायस्तरमा बलियो परिचालन गर्ने तथा प्रमाणमा आधारित पैरवी गर्ने संस्था हो। खाद्य अधिकार, सामाजिक न्याय र मानव अधिकारको क्षेत्रमा यस संस्थाले गरेको काम प्रशंसनीय छ। त्यसैले FIAN Nepal ले राम्रो काम गरेको छ भन्ने विषयमा दुईमत नहोला।